‘सीतायन’- पुस्तक प्रकाशन
अद्भुत, अलौकिक, अतृप्त महाकाव्य
दिनांक १५ एप्रिल २०२३ रोजी पीवायसी जिमखाना येथे पार पडलेल्या बुकगंगा पब्लिकेशन्स पुणे प्रकाशित आणि रेखा साठ्ये अनुवादित सीतायन या पुस्तकाचे प्रकाशन प्रमुख अतिथी म्हणून लाभलेल्या विदुषी, डॉ. सुचेता परांजपे यांच्या हस्ते झाले.
जसे रामायण हा रामाचा जीवनप्रवास आहे, तसेच सीतायन हा सीतेचा जीवनप्रवास आहे. सीतेविषयी इतके दीर्घ लिखाण इतर कोणत्याच पुस्तकात नाही जे सीतायन मध्ये आहे. सीतेच्या जन्मापासून- तिचे बालपण, तिचे तारुण्य, तिचे वैवाहिक जीवन, तिचा वनवास, तिच्या जीवनातील प्रत्येक घटना या पुस्तकात रेखाटल्या आहेत, असे मत विदुषी, डॉ. सुचेता परांजपे यांनी आपल्या मनोगतात व्यक्त केले.
सोबत अनुवादिका रेखा साठ्ये, बुकगंगा.कॉमचे संस्थापक मंदार जोगळेकर, संचालिका सुप्रिया लिमये आणि गौरी जोशी उपस्थित होत्या.
के. आर. श्रीनिवास अयंगार यांनी मूळ इंग्रजी भाषेत लिहिलेले ‘सीतायनम्’ हे पुस्तक वाचून मी सीता या व्यक्तिमत्त्वाने भारावून गेले आणि माझ्या हातून अनुवाद होत गेला, याचा मला खूप आनंद आहे. अशा भावना रेखा साठ्ये यांनी आपल्या मनोगतात व्यक्त केल्या. सोबतच राणी पारसनीस, सुप्रिया केळवकर आणि डॉ. आरती दातार यांनी पुस्तकातील काही भागांचे अभिवाचन करून कार्यक्रमाला अधिकच रंगत आणली आणि त्याला डॉ. वर्षा भिडे यांच्या गीतांची सुरेल सोबत होती. मंदार जोगळेकर यांनी प्रकाशकीय मनोगत व्यक्त केले. कार्यक्रमाचा शेवट अमोल साठ्ये आणि रेश्मा साठ्ये यांच्या आभार प्रदर्शनाने झाला.
बुकगंगा.कॉम वरून ‘सीतायन’ याचे प्रिंट पुस्तक आणि ई-बुक विकत घेण्यासाठी पुढील लिंक वर क्लिक करा-